Home Full News Article

Wasaaradda Ganacsiga oo Dib-u-eegis ku Samaysay Qorshaha Wasaaradda ee Sanadkii hore iyo Sanadka Soo-socda+SAWIRO

02 Jan, 2021

Wasiirka Ganacsiga iyo Warshadaha XFS Xildhibbaan Khaliif Cabdi Cumar oo maanta guddoominaayey shirkii toddobaadlaha ahaa ee Wasaaradda, ayaa waxa dib-u-eegis lagu sameeyey qorshahii Wasaaradda ee sannadkii hore 2020, waxyaabahii qabsoomay, kuwa aan hir-gelin iyo weli ba sidoo kale qorshaha sanadkan cusub 2021ka ee horyaala Wasaaradda.

Wasaaradda, ayaa sannadkii hore ku guuleysatay qorsheyaashii hor-tebinta u lahaa oo ay ka mid ahaayeen qaar ka mid ah shuruucdii iyo siyaasadihii kala duwanaa ee lagu fududeynaayey Ganacsiga oo la sameeyey, barnaamijyada fududeynta ganacsiga, dhiiri-gelinta maal-gashiga, raadinta suuqyo cusub oo Ganacsi, mashaariicda lagu horumarinayo ganacsiga, horumarinta Warshadaha iyo weli ba sidoo kale na kor-u-qaadista awooda shaqo ee shaqaalaha Wasaaradda oo iyada na loo sameeyey tobabaro kala duwan kuwaas oo wax weyn ka badalay guud ahaan Wasaaradda.

Wasiirka Ganacsiga iyo Warshadaha XFS Md. Khaliif Cabdi Cumar oo muddaddii uu joogay ay wax badan qabsoomeen sidoo kale na dar-dar-gelin xoog ah geliyey hawlaha shaqo ee Wasaaradda gaar ahaan dib-u-habeynta Ganacsiga iyo Warshadaha Soomaaliya, ayaa hawl-wadeenada kala duwan ee Wasaaradda ku ammaanay dedaalkii ay sameeyeen sannadkii hore, waxaana uu kula dar-daarmay in sannadkana kor loo qaado siddii loo xaqiijin lahaa gaadhista Yoolalka sannadka 2021ka ee ay hiigsanayso Wasaaraddu kuwaas oo ay ku jiraan qorsheyaal muhiim u ah fududeynta iyo horumarka ganacsiga iyo weli ba dhiiri-gelinta Maal-gashiga Soomaaliya.

BACK

Mogadishu, Somalia

Mohamoud Harbi Road, Behind the Somali National Theater

+25268 3459526

media@moci.gov.so